Svahila Lingvo

Kie? — En orienta kaj centra Afriko: laŭ la orientafrika marbordo (denaskaj parolantoj), Tanzanio, Kenjo, Ugando, Ruando, Burundo, Kongo, kaj kelkaj nedenaskaj parolantoj en Norda Malavio, Norda Mozambiko, Norda Zambio, Somalio, Omano, Sud-Afriko kaj sur la apudbordaj insuloj Zanzibaro, Pembo, kaj Lamuo.

Lingva familio. — La svahila estas bantua lingvo kiu apartenas al la Niĝer-Kongaj lingvoj. Inter la centoj da malsamaj bantuaj lingvoj, la svahila estas la plej konata.

Kiom? — Proksimume 50.000.000 homoj, sed nur ĉirkaŭ 2.000.000 denaskaj parolantoj. La svahila estas plejparte parolata kiel dua lingvo aŭ lingua franca de denaskaj parolantoj de aliaj afrikaj lingvoj.

Ĉu vi scias?

• La radiostacioj Voice of America, BBC, Radio Deutsche Welle (Germanio), Moskva Internacia Radio kaj Japana Internacia Radio havas programojn en la svahila.
• Pli ol 40 institucioj en Usono ofertas kursojn pri la svahila.
• La kanto de Michael Jackson “Liberian Girl” (Liberia junulino) havas svahilan tekston kaj
• La Disney-filmo “The Lion King” (La Leona Reĝo) havas svahilajn vortojn inkluzive de la nomoj de la roluloj kiel Simba (leono) aŭ Rafiki (amiko).