La portugala

Kie – Lingvo de Portugalio (Iberico, Acoroj kaj Madeiro)‎. Ĝi estas parolata ankaŭ en multaj aliaj landoj, inkluzive de Andoro, Angolo, Barato, Belgio, Brazilo, Ĉinio, Francio, Germanio, Gvineo Bisaŭa, Kabo Verda, Kanado, Luksemburgo, Mozambiko kaj Orienta Timoro. Ĝi estas la oficiala lingvo de Portugalio, Brazilo, Angolo, Kabo Verda, Gvineo Bisaŭa, Mozambiko, Sao-Tomeo kaj Principeo, kaj Orienta Timoro.

Lingva familio – La portugala apartenas al la latinidaj lingvoj, branĉo de la hind-eŭropa lingvofamilio. Aliaj latinidaj lingvoj estas la franca, la hispana (kaj ĝiaj dialektoj), la itala, la kataluna, la rumana, la ret-romanĉa kaj la sardinia.

Kiom – 191.000.000 parolantoj el kiuj 176.000.000 estas denaskaj. 158.000.000 en Brazilo, 10.000.000 en Portugalio, 750.000 en Francio, 60.000 en Angolo, 30.000 aŭ pli en Mozambiko.