Havasupai

Kie? — La havasupaja estas parolata en la Havasupaja Indiana Rezervejo, kiu situas sur la fundo de la sudorienta parto de la Kanjono Granda en Arizono, Usono.

Lingva familio — La havasupaja apartenas al la jumaj lingvoj, branĉo de la ĥoka lingva familio. Aliaj lingvoj de ĉi tiu branĉo estas la hualapaja, kiu estas tre simila al la havasupaja, ĉar situas geografie proksime, kaj la javapaja.

Kiom? — Nuntempe la havasupaja gento havas ĉirkaŭ 650 membrojn. Proksimume 450 havasupajoj loĝas en la vilaĝo Supajo en la Kanjono Granda. Preskaŭ 100 % de la havasupajoj parolas la gepatran lingvon.

Ĉu vi scias? — Oni povas laŭvorte traduki la vorton “havasupai” kiel “homoj de la blua/verda akvo”. Tiel ilia nomo reflektas karakterizaĵon de la regiono, kie la havasupajoj loĝas.